Torban kana Piriimer Liigii Ingilizii keessatti morkii guddaan eegama. Shaampiyoonaa bara darbee Liiverpuul fi waltajjii dorgommii keessatti yeroo hunda of mul’isaa ture Arsenaal, Anfiildi irratti walitti dhufuun taphni guddaan gaggeeffama. Tapha kanaan hordoftoonni kubbaa miilaa hedduun abdii guddaan eegaa jiru.
Seenaa Tapha Lamaan Gidduu
Bara 2015/16 irraa eegalee hanga ammaatti taphoota 20 Liiverpuul fi Arsenaal gidduutti gaggeeffameen galchii 78 galmaa’eera. Kun agarsiisa akka morkiin kun yeroo hunda tolaa fi walqixxummaa qabu. Haa ta’u malee, bara kana sararri ittisaa Liiverpuul rakkoo agarsiisaa jira. Fakkeenyaaf, tapha Niwkaasil waliin taphatan irratti erga galchii lama galchanii booda dhuma irratti qixa 2-2n xumurame. Taphichi akka hafuuf ammoo Riyoo Inguumoo daqiiqaa 100ffaa irratti ol adeemaa tokkoffaa ittiin balleesse.
Haala Liiverpuul Amma Jiru
Arne Isloot jalatti Liiverpuul yeroo 98% taphoota isaanii hunda irratti galchii lakkoofsisuu danda’eera. Garuu sarara ittisaa isaanii yeroo ammaa balaaf saaxilamaa jira. Bara kana kubba dhaabbataa irraa yeroo hedduu karra isaanii irratti galchii laatame, kunis yeroo Arsenaal dhufuuf carraa gaarii uuma.
Haala Arsenaal
Arsenaal ammoo yeroo ammaa sarara ittisaa cimaa qabuun beekama. Wiiliyaam Saaliibaa fi Gabri’eel Maagaales garaa garummaa agarsiisaa jiru. Taphoota lama darban keessatti karra isaanii irratti galchii tokko illee hin lakkaa’amne. Akkasumas Rikaardoo Kaalafiyoorii fi Juuliyaan Timber taphattoota sarara ittisaa ta’anii galchii irratti gumaacha qabanidha. Bara 2023/24 irraa eegalee, Arsenaal rukuttaa koornaa fi kubba dhaabbataa irraa galchii 33 lakkoofsisee, Awurooppaa keessatti iddoo duraa qabateera.
Rakkoo Miidhamootaa
Liiverpuul irraa:
* Jeeromii Firiimpoong ni miidhame, bakka isaa Doominik Sooboslaayi itti fayyadama.
* Konor Biraadilii yeroo ammaa qophaa’aa jira.
* Virjil Vaan Daayik ammoo miidhaa salphaa irraa bilisa bahee taphata.
Arsenaal irraa:
* Bukaayoo Saakaa, Kaayi Haavertii fi Maartin Odeegard miidhamuun isaanii dhagahameera.
* Odeegard gara dirree deebi’uuf carraa qaba, garuu kanneen biroo yeroo murtaa’eef addaan fagaatu.
* Bakka isaanii Viktar Giyookeres, Noonii Maduweekee fi Ebereche Eezzeen taphachuu danda’u.
Yaada Leenjistootaa
Mikel Arteettaa (Arsenaal):
> “Tapha kana keessatti taphattoota ciccimoo sadii dhabuu keenyaaf gadda guddaa qabna. Garuu bakka isaanii bu’uurraatti dabaluu qabna. Wanti kun nuuf hin salphatu, garuu injifannoo barbaachisaa fiduuf ni qophoofna.”
Arne Isloot (Liiverpuul):
> “Tapha akkanaa keessatti injifannoo argachuun murteessaadha. Dirree ulfaataa keessatti qabxii sadii fiduun carraa keenya bara kanaaf cimsuu danda’a.”
Seenaa Wal-dorgommii
Tapha kana jechuun tapha 245ffaa Liiverpuul fi Arsenaal gidduutti. Liiverpuul yeroo 94 injifateera, Arsenaal immoo yeroo 81, kan hafe qixa xumurame. Taphoota dhiyoo Anfiildi irratti gaggeeffaman keessaa sadi keessaa lama qixa xumuramuun morkiin kun akkamiin cimaa akka ta’e agarsiisa.
Tapha kana keessatti Arsenaal ittisa cimaa fi taphattoota gidduu isaanii irratti hirkata; Liiverpuul garuu galchii lakkoofsisuu irratti. Maal tahaa? Anfiildi irratti eenyutu injifannoo fudhata?
Post a Comment