Naannoo Harariitti Karooraan Hojii Bu’a Qabeessa Tajaajilu Akka Raawwatamu Ni Tajasifama – Bulchaa Ordiin Badrii

Hagayya 24, 2017  – Loltoonni mana barumsaa leenjii Huursoo Kontiinjenti irraa eebbifaman, kabajaa fi birmadummaa biyya isaanii tikfachuuf dirqamni isaanii hin daangeffamne ta’uu ibsanii, lubbuun isaanii illee qusachuun hin jiru jechuun waliigalteedhaan mirkaneessan.

Manni barumsaa Huursoo, kan Ministeera Ittisaa jala jiru, loltoota marsaa 10ffaa leenjisee eebbisiiseera. Eebbicharratti, loltuu bu’uraa Riyaad Jaafar fi loltuu bu’uraa Maqdas Maanyaazzawaal, yeroo leenjiisaanii keessatti beekumsa loltummaa barbaachisaa argachuu isaanii fi qophii guutuun eebbifamuu isaanii ibsanii jiru.

Loltuu bu’uraa Anwaar Na’iim immoo, leenjii keessa darban kanaan, naamusa cimaa fi duudhaa raayyaa ittisa biyyaa hubachuun dabalatee, beekumsa loltummaa gadi fageenyaan ittiin of qopheessan ibsaniiru. Beekumsa argatan kanaan biyyaa fi uummata isaaf amanamummaa fi qajeeltoodhaan tajaajiluuf qophii ta’uu isaanii mirkaneessaniiru.

Eebbifamtoonni marti, aarsaa lubbuu isaanii kaffaluun biyyaa fi uummataaf of kennuuf qophii ta’uu isaanii ifatti ibsanii jiru.

Itti aanaan ajajaa kudhanii fi leenjisaa mana barumsichaa, Goobazee Makaashaa immoo, eebbifamtoonni leenjiin guutuu fi gahumsa barbaachisaa argachuun isaanii yaadatameera. Kana malees, leenjiin kenname bu’a qabeessa ta’uu fi loltoonni qophii guutuun eebbifamuu isaanii eeraniiru.